കോഴിക്കോട്: SSLC പരീക്ഷാഫലം പ്രഖ്യാപിച്ചു. ജില്ലയിലെ ആകെ പരീക്ഷയെഴുതിയ 44806 പേരിൽ 43896 പേർ ഉപരിപഠനത്തിൻ യോഗ്യത നേടി. ജില്ലാതലത്തിൽ കോഴിക്കോട് ജില്ല എട്ടാംസ്ഥാനത്താണ്.
സംസ്ഥാനമൊട്ടാകെ 97.84 % വിദ്യാര്‍ഥികള്‍ ഉന്നത വിജയം കരസ്ഥമാക്കി. 4,41,103 പേര്‍ പരീക്ഷ എഴുതിയതില്‍ 4,31,162 പേരാണ് ഉപരിപഠനത്തിനു യോഗ്യത നേടിയത്. 34,313 വിദ്യാര്‍ഥികള്‍ മുഴുവന്‍ വിഷയത്തിനും എ പ്ലസ് നേടിയത്. കഴിഞ്ഞ വര്‍ഷം 91.58 ശതമാനമായിരുന്നു വിജയം. വിജയശതമാനം ഏറ്റവും കൂടുതല്‍ എറണാകുളം ജില്ലയിലും (99.12%). ഏറ്റവും കുറവ് വയനാട് ജില്ലയിലുമാണ് (93.87%) ഏറ്റവും കൂടുതല്‍ A+ നേടിയത് മലപ്പുറം ജില്ലയിലാണ്.
വിദ്യാഭ്യാസ മന്ത്രി സി. രവീന്ദ്രനാഥാണ് ഫലം പ്രഖ്യാപിച്ചത്. 1,176 സ്കൂളുകള്‍ നൂറു ശതമാനം വിജയം നേടി. ഇതില്‍ 517 എണ്ണം സര്‍ക്കാര്‍ സ്കൂളുകളാണ്. ഗള്‍ഫ് മേഖലയില്‍ ഒന്‍പതു സ്കൂളുകളിലായി 544 പേര്‍ പരീക്ഷ എഴുതിയതില്‍ 538 പേര്‍ വിജയിച്ചു. THSLC-യിൽ 3,2799 പേര്‍ പരീക്ഷ എഴുതിയപ്പോള്‍ 3,234 പേര്‍ വിജയം നേടി. 98.6 ശതമാനമാണ് വിജയം.
റീവാലുവേഷനു മേയ് 10 വരെ അപേക്ഷിക്കാം. സേ പരീക്ഷകള്‍ മേയ് 21 മുതല്‍ 25വരെ നടക്കും. പ്ലസ് വണ്‍ പ്രവേശനം മേയ് 9 ആരംഭിക്കുമെന്നും മന്ത്രി അറിയിച്ചു.
0 Comments