ഇ-ഒാഫിസ്​ ലക്ഷ്യത്തിലേക്ക്​: പ്രതിമാസം എട്ട്​ ലക്ഷം ഇ-ഫയൽ, കലക്ടറേറ്റുകളിൽ കോഴിക്കോട്​ മുന്നിൽ

കോഴിക്കോട്: ​ഫ​യ​ൽ നീ​ക്കം സു​ഗ​മ​വും സുതാര്യവുമാ​ക്കു​ന്ന​തി​ന്​ സ​ർ​ക്കാ​ർ ഒാ​ഫി​സു​ക​ളി​ൽ വി​ഭാ​വ​നം ചെ​യ്​​ത ഇ-​ഒാ​ഫി​സ്​ സം​വി​ധാ​നം ഉദ്യോഗസ്ഥ ത​ല​ത്തി​ലെ ദു​ർ​ബ​ല​പ്പെ​ടു​​ത്ത​ൽ നീ​ക്കം അ​തി​ജീ​വി​ച്ച്  ല​ക്ഷ്യ​ത്തി​​ലേ​ക്ക്. പ​ദ്ധ​തി തു​ട​ങ്ങി അഞ്ചു​വ​ർ​ഷം പൂ​ർ​ത്തി​യാ​യ ഘ​ട്ട​ത്തി​ൽ ​ ഐ.​ടി മിഷ​ൻ ത​യാ​റാ​ക്കി​യ പ​ഠ​ന റി​പ്പോ​ർ​ട്ടി​ലാ​ണ്​ പ്രവർത്തന മി​ക​വ്​ അ​ടി​വ​ര​യി​ടു​ന്ന​ത്.

സം​സ്ഥാ​ന​ത്ത്​ പ്ര​തി​മാ​സം 8,00,000 ഇലക്ട്രോണിക്​ ഫ​യ​ൽ കൈ​മാ​റ്റം ന​ട​ക്കു​ന്നു​ണ്ട്. സെ​ക്ര​ട്ടേറി​യ​റ്റി​​ലെ 54 വ​കു​പ്പു​ക​ളി​ലും  14 കലക്ട്രേറ്റി​ലും 100 ശ​ത​മാ​നം  ഫ​യ​ൽ ഇ​ട​പാ​ടും  ഇ-​ഒാ​ഫി​സി​ലേ​ക്ക്​ മാ​റി​ക്ക​ഴി​ഞ്ഞു. ആ​ർ.​ഡി.​ഒ ഒാഫിസി​ൽ 50 ശ​ത​മാ​ന​വും ഇ​ല​ക്​​​ട്രോ​ണി​ക്​ ഫ​യ​ൽ സം​വി​ധാ​ന​ത്തി​ലേ​ക്ക്​ മാ​റി. 19 ഡ​യ​റ​ക്​​ട​റേ​റ്റു​ക​ൾ പൂ​ർ​ണ​മാ​യും ക​ട​ലാ​സ്​ ര​ഹി​ത ഇ-​ഒാ​ഫി​സാ​ണ്. ശേഷി​ക്കു​ന്ന 27 ഡ​യ​റ​ക്​​ട​റേ​റ്റു​ക​ളി​ൽ ന​ട​പ​ടി പുരോഗ​മി​ക്കു​ക​യാ​ണ്. താ​ലൂ​ക്ക്, വി​ല്ലേ​ജ്​ ഒാഫിസുകളി​ലും പ​ഞ്ചാ​യ​ത്തു​ക​ളി​ലും പ്ര​വ​ർ​ത്ത​നം തുടങ്ങിക്കഴിഞ്ഞു. സ​മീ​പ​ഭാ​വി​യി​ൽ കേ​​​ന്ദ്ര-​സം​സ്ഥാ​ന ഫ​യ​ൽ ഇ​ട​പാ​ട്​ ഇ-​ഒാ​ഫി​സ്​ പ്ലാ​റ്റ്​​ഫോ​മി​ലേ​ക്ക്​ മാറുമെന്നാ​ണ്​ വി​ല​യി​രു​ത്ത​ൽ.

സം​വി​ധാ​നം ദു​ർ​ബ​ല​പ്പെ​ടു​ത്തു​ന്ന​തി​ന്​ ഒ​രു വി​ഭാ​ഗം ഉ​ദ്യോ​ഗ​സ്ഥ​രു​ടെ നീ​ക്ക​മു​ണ്ടാ​യി​രു​ന്നു. ചി​ല വകുപ്പുകളിലെ ഉ​യ​ർ​ന്ന ഉ​ദ്യോ​ഗ​സ്ഥ​ർ  ഇ-​ഫ​യ​ലി​ന്റെ പ്രി​ൻ​റൗ​ട്ട് ആ​വ​ശ്യ​പ്പെ​ടു​ക​യും പ്രി​ൻ​റി​ൽ ഉ​ത്ത​ര​വി​ട്ട് ന​ൽ​കു​ക​യും ചെ​യ്​​തി​രു​ന്നു.  ഇ​തോ​ടെ ഇ-​ഫ​യ​ൽ  പേ​പ്പ​ർ ഫ​യ​ലാ​യി മാ​റി. സ​ർ​ക്കാ​ർ ഉ​ത്ത​ര​വ്​ ന​മ്പ​ർ ല​ഭി​ക്കാ​ൻ മാ​ത്രം ഫ​യ​ലി​ലെ വി​ഷ​യ​വു​മാ​യി ബന്ധമില്ലാ​ത്ത ഏ​തെ​ങ്കി​ലും രേ​ഖ അ​പ്​​ലോ​ഡ്​ ചെയ്യുന്ന  പ്ര​വ​ണ​ത​യും ഇ-​ഒാ​ഫി​സി​നെ ബാധിച്ചിരുന്നു. പ്ര​സ​ക്ത​മ​ല്ലാ​ത്ത വി​വ​രം സൈ​റ്റി​ൽ പ്ര​ത്യ​ക്ഷ​പ്പെ​ടാ​ൻ ഇ​തു​ കാ​ര​ണ​മാ​യി. ഇ​ത്ത​രം പ്രവണ​ത തു​ട​ർ​ന്നാ​ൽ ക​ർ​ശ​ന ന​ട​പ​ടി സ്വീകരിക്കുമെ​ന്ന്​ സ​ർ​ക്കാ​ർ മു​ന്ന​റി​യി​പ്പ്​ ന​ൽ​കി​യ​തോ​ടെ​യാ​ണ്​ അ​ട്ടി​മ​റി നീ​ക്ക​ങ്ങ​ൾ​ക്ക്​ ശമനമുണ്ടായത്.