ജില്ലാ ജയില്‍ നടപ്പാക്കിയ "ഷെയര്‍ മീല്‍' പദ്ധതി കൂടുതല്‍ വിപുലമാക്കും

കോ​ഴി​ക്കോ​ട്:​കോ​ഴി​ക്കോ​ട് ജി​ല്ലാ​ജ​യി​ലി​ലെ ഫു​ഡ് ഫോ​ര്‍ ഫ്രീ​ഡം കൗ​ണ്ട​റി​ലെ ഷെ​യ​ര്‍ മീ​ല്‍ പ​ദ്ധ​തി​ കൂ​ടു​ത​ല്‍ വി​പു​ല​മാ​ക്കു​ന്നു. ഓ​പ്പ​റേ​ഷ​ന്‍ സു​ലൈ​മാ​നി ഉ​ള്‍​പ്പെ​ടെ​യു​ള്ള പ​ദ്ധ​തി​ക​ള്‍ പാ​തി വ​ഴി​യി​ല്‍ മു​ട​ങ്ങി​യെ​ങ്കി​ലും ജി​ല്ലാ ജ​യി​ല്‍ സൂ​പ്ര​ണ്ട് മു​ന്‍​കൈയെ​ടു​ത്ത് ആ​രം​ഭി​ച്ച ഷെ​യ​ര്‍ മീ​ല്‍ പ​ദ്ധ​തി​യി​ലേ​ക്ക് കൂ​പ്പ​ണ്‍ ന​ല്‍​കു​ന്ന​വ​രു​ടെ എ​ണ്ണ​ത്തി​ല്‍ വ​ലി​യ വ​ര്‍​ധ​ന​യുണ്ട്.  സ​ന്ന​ദ്ധ​സം​ഘ​ട​ന​ക​ളും വ്യ​ക്തി​ക​ളും ഇ​വി​ടെ കൂ​പ്പ​ണ്‍ വാ​ങ്ങി​ന​ല്‍​കാ​റു​ണ്ടെ​ന്ന് ജീ​വ​ന​ക്കാ​ര്‍ പ​റ​യു​ന്നു. ഈ ​സാ​ഹ​ച​ര്യ​ത്തി​ല്‍ കു​റ​ച്ചു​കൂ​ടി പ്ര​ധാ​ന്യം ന​ല്‍​കി​യും ആ​ളു​ക​ള്‍​ക്കി​ട​യി​ലേ​ക്ക് ഇ​റ​ങ്ങി​ച്ചെ​ന്നും പ​ദ്ധ​തി വി​പു​ല​പ്പെ​ടു​ത്താ​നാ​ണ് ആ​ലോ​ചി​ക്കു​ന്ന​ത്.

ഹോ​ട്ട​ലു​ക​ളു​മാ​യി സ​ഹ​ക​രി​ച്ച്‌ ജി​ല്ലാ​ഭ​ര​ണ​കൂ​ടം ന​ട​പ്പി​ലാ​ക്കി​യ ഓ​പ്പ​റേ​ഷ​ന്‍ സു​ലൈ​മാ​നി നി​ല​ച്ച സാ​ഹ​ച​ര്യ​ത്തി​ല്‍ പ​ല​ര്‍​ക്കും സൗ​ജ​ന്യ​മാ​യി ഭ​ക്ഷ​ണം ല​ഭി​ക്കു​ന്ന​തെ​വി​ടെ​യെ​ന്ന് അ​റി​യി​ല്ല. കൂ​പ്പ​ണ്‍ അ​ന്വേ​ഷി​ച്ചെ​ത്തു​ന്ന​വ​രും കു​റ​വാ​ണ്. പ​ദ്ധ​തി കൂ​ടു​ത​ല്‍ പേ​രി​ലേ​ക്കെ​ത്തി​ക്കു​ന്ന​തി​നൊ​പ്പം വി​ശ​ക്കു​ന്ന വ​യ​റി​ന് ഇ​ത് ആ​ശ്വാ​സ​മാ​കു​മെ​ന്ന് ജ​യി​ല്‍ അ​ധി​കൃ​ത​ര്‍ പ​റ​യു​ന്നു.  ജയി​ലി​നു മു​ന്നി​ലെ ഫു​ഡ് ഫോ​ര്‍ ഫ്രീ​ഡം കൗ​ണ്ട​റി​ല്‍ മി​ത​മാ​യ നി​ര​ക്കി​ല്‍ വി​ല്‍​ക്കു​ന്ന ച​പ്പാ​ത്തി​യും ക​റി​ക​ളും വാ​ങ്ങാ​നെ​ത്തു​ന്ന​വ​ര്‍ കൗ​ണ്ട​റി​നു മു​ന്നി​ലെ ബോ​ര്‍​ഡി​ല്‍ 25 രൂ​പ​യു​ടെ കൂ​പ്പ​ണ്‍ പ​തി​ച്ചാ​ണ് മ​ട​ങ്ങാ​റു​ള്ള​ത്. ഈ ​കൂ​പ്പ​ണ്‍ എ​ടു​ത്ത് കൗ​ണ്ട​റി​ല്‍ ന​ല്‍​കി​യാ​ല്‍ അ​ഞ്ച് ച​പ്പാ​ത്തി​യും ഒ​രു ക​റി​യും അ​ട​ങ്ങു​ന്ന ഭ​ക്ഷ​ണ പൊ​തി ല​ഭി​ക്കും.

ജ​യി​ല്‍ ച​പ്പാ​ത്തി​യും ക​റി​ക​ളും വാ​ങ്ങാ​ന്‍ വ​രു​ന്ന പ​ല​രും ഒ​ന്നും ര​ണ്ടും കൂ​പ്പ​ണു​ക​ള്‍ വാ​ങ്ങി നോ​ട്ടീ​സ് ബോ​ര്‍​ഡി​ല്‍ വ​യ്ക്കാ​റു​ണ്ട്. രാ​വി​ലെ എ​ട്ടു​മു​ത​ല്‍ രാ​ത്രി എ​ട്ടു വ​രെ​യാ​ണ് കൗ​ണ്ട​ര്‍ പ്ര​വ​ര്‍​ത്തി​ക്കു​ന്ന​ത്.  ജ​യി​ലി​ലെ ച​പ്പാ​ത്തി ഉ​ണ്ടാ​ക്കു​ന്ന വി​ഭാ​ഗ​ത്തി​ല്‍ 12 പേ​രാ​ണ് ജോ​ലി ചെ​യ്യു​ന്ന​ത്. രാ​വി​ലെ ആ​റു മു​ത​ല്‍ വൈ​കി​ട്ട് നാ​ല് വ​രെ​യാ​ണ് ച​പ്പാ​ത്തി ഉ​ണ്ടാ​ക്കു​ക. ദി​വ​സ​വും മൂ​ന്നോ നാ​ലോ ത​വ​ണ​യാ​യി അ​ത് കൗ​ണ്ട​റി​ല്‍ എ​ത്തി​ക്കും. ദി​വ​സം ഏ​ക​ദേ​ശം 4000 ച​പ്പാ​ത്തി, 100 ചി​ക്ക​ന്‍​ക​റി, 50 പ​ച്ച​ക്ക​റി, 50 മു​ട്ട​ക്ക​റി, 30 ചി​ല്ലി​ചി​ക്ക​ന്‍ എ​ന്നി​ങ്ങ​നെ വി​ല്‍​പ​ന ന​ട​ക്കാ​റു​ണ്ട്. 10 ച​പ്പാ​ത്തി​യ​ട​ങ്ങി​യ പാ​യ്ക്ക​റ്റി​നു വി​ല 20 രൂ​പ​യാ​ണ്. ചി​ക്ക​ന്‍ ക​റി​ക്ക് 25 രൂ​പ , ചി​ല്ലി ചി​ക്ക​ന് 60 രൂ​പ, പ​ച്ച​ക്ക​റി​യ്ക്കും മു​ട്ട​ക്ക​റി​ക്കും 15 രൂ​പ എ​ന്നി​ങ്ങ​നെ​യാ​ണ് വി​ല. 200-250 ച​പ്പാ​ത്തി വ​രെ കൗ​ണ്ട​ര്‍ വ​ഴി​യും 250 നു ​മു​ക​ളി​ലാ​ണെ​ങ്കി​ല്‍ ഓ​ഫീ​സ് വ​ഴി നേ​രി​ട്ടു​മാ​ണ് വി​ല്‍​പ്പ​ന ന​ട​ത്തു​ന്ന​ത്.

ക​ല്യാ​ണം, പി​റ​ന്നാ​ള്‍ തു​ട​ങ്ങി​യ പ​രി​പാ​ടി​ക​ള്‍​ക്ക് ഓര്‍ഡ​ര്‍ പ്ര​കാ​രം ജ​യി​ലി​ല്‍ നി​ന്നും ച​പ്പാ​ത്തി ഉണ്ടാക്കി കൊ​ടു​ക്കു​ന്നു​ണ്ട്. ഇ​ത് വാ​ങ്ങാ​ന്‍ എ​ത്തു​ന്ന​വ​രി​ലൂ​ടെ​യാ​ണ് ഷെ​യ​ര്‍ മീ​ല്‍ പ​ദ്ധ​തി വിജയത്തിലെത്തു​ന്ന​ത്. വി​ല്‍​പ്പ​ന​യ്ക്ക​നു​സ​രി​ച്ച്‌ കൂപ്പണു​ക​ളു​ടെ എ​ണ്ണ​ത്തി​ലും വ​ര്‍​ധ​ന​യു​ണ്ടാ​ക്കാ​നാ​ണ് അ​ധി​കൃ​ത​ര്‍ ല​ക്ഷ്യ​മി​ടു​ന്ന​ത്.