കോഴിക്കോട്:നിപ്പാ വൈറസിനെ പ്രതിരോധിക്കാന്‍ സാധ്യതയുണ്ടെന്ന് കരുതുന്ന മരുന്ന് റിബവൈറിന്‍ കോഴിക്കോട് മെഡിക്കല്‍ കോളജിലെത്തിച്ചു. കെ.എം.എസ്.സി.എല്‍ വഴിയാണ് 10,000 ഗുളികകള്‍ എത്തിച്ചത്. എന്നാല്‍ മരുന്നിന് പാര്‍ശ്വഫലങ്ങളുള്ളതിനാല്‍ ട്രയല്‍ നടത്തിയ ശേഷം മാത്രമേ രോഗികള്‍ക്ക് നല്‍കൂവെന്ന് അധികൃതര്‍ അറിയിച്ചു. വൈറസിനെതിരെ പ്രവര്‍ത്തിക്കുന്ന റിബവൈറിന്‍ ഹെപ്പറ്റൈറ്റിസ് സിയെയും വൈറല്‍ ഹെമറേജിക് ഫീവറിനെയും പ്രതിരോധിക്കാന്‍ വേണ്ടിയാണ് സാധാരണ ഉപയോഗിക്കുന്നത്.
നിപ വെറസ് ബാധിച്ച്‌ നിരവധി പേര്‍ മെഡിക്കല്‍ കോളജില്‍ ചികിത്സ തേടിയ സാഹചര്യത്തിലാണ് ആശുപത്രിയിലേക്ക് മരുന്നെത്തിച്ചത്. അതേസമയം, രോഗം ബാധിക്കുന്നത് വവ്വാലില്‍ നിന്നാണെന്ന് ഇതുവരെ സ്ഥിരീകരിച്ചിട്ടില്ല.മൂസയുടെ വീട്ടിലെ കിണറ്റിലുണ്ടായിരുന്ന വവ്വാലുകള്‍ ക്ഷുദ്രജീവികളെ ഭക്ഷിക്കുന്നവയാണെന്നും പഴങ്ങള്‍ കഴിക്കുന്ന വവ്വാലുകളാണ് രോഗം പരത്തുകയെന്നും കേന്ദ്ര സംഘം വ്യക്തമാക്കിയിരുന്നു.
0 Comments