കോഴിക്കോട് വിമാനത്താവളത്തിലെ നാവിഗേഷൻ സംവിധാനം നവീകരിക്കുന്നു

കോഴിക്കോട്: കോഴിക്കോട് വി​മാ​ന​ത്താ​വ​ള​ത്തി​ൽ വ്യോ​മഗാ​താ​ഗ​തം സു​ഗ​മാ​മാ​ക്കു​ന്ന​തി​നു പു​തി​യ സം​വി​ധാ​നം ഒ​രു​ങ്ങു​ന്നു.​ ആ​കാ​ശ​വീ​ഥി​യി​ലെ ഏ​തു വി​മാ​ന​ത്തി​ന്‍റെ​യും ദി​ശ​യും എ​യ​ർ റൂ​ട്ടും കൃ​ത്യ​മാ​യി മ​ന​സി​ലാ​ക്കാ​ൻ ക​ഴി​യു​ന്ന നാ​വി​ഗേ​ഷ​ൻ സം​വി​ധാ​ന​മാ​ണ് ന​വീ​ക​രി​ക്കു​ന്ന​ത്. വ്യോ​മ ഗാ​താ​ഗ​തം സു​ഗ​മാ​മാ​ക്കാ​നും വി​മാ​ന പൈ​ല​റ്റി​ന് കൃ​ത്യ​മാ​യ​ദി​ശ അ​റി​യി​ക്കു​ന്ന​തി​നു​മാ​ണ് പു​തി​യ ഡോപ്ലർ വി​ഒ​ആ​ർ ഉ​പ​ക​ര​ണം വി​മാ​ന​ത്താ​വ​ള​ത്തി​ൽ സ്ഥാ​പി​ക്കു​ന്ന​ത്. ആ​റു കോ​ടി രൂ​പ ചെ​ല​വി​ൽ കൊ​റി​യ​യി​ൽ നി​ന്നാ​ണ് ഉ​പ​ക​ര​ണ​ങ്ങ​ൾ ഇ​റ​ക്കു​മ​തി ചെ​യ്യു​ന്ന​ത്.

വി​മാ​ന​ങ്ങ​ളു​ടെ എ​യ​ർ​ട്രാ​ഫി​കി​ൽ പൈ​ല​റ്റി​ന് കൃ​ത്യ​മാ​യ ദി​ശ നി​ർ​ണ​യി​ക്കു​ന്ന​തി​നാ​ണ് അ​ത്യാ​ധു​നി​ക യ​ന്ത്രം സ്ഥാ​പി​ക്കു​ന്ന​ത്. യ​ന്ത്രം സ്ഥാ​പി​ക്കു​ന്ന​തു വ​ഴി വി​മാ​ന​ങ്ങ​ൾ ഏ​തു​ദി​ശ​യി​ലാ​ണെ​ന്ന് പൈ​ല​റ്റി​ന് അ​റി​യാ​നാ​കും. ഓ​രോ വി​മാ​ന​ങ്ങ​ൾ​ക്കും എ​യ​ർ​റൂ​ട്ടി​ൽ ഓ​രോ ദി​ശ​യും ദൂ​ര​വും നി​ശ്ച​യി​ച്ചി​ട്ടു​ണ്ട്. ഇ​തി​ൽ നി​ന്നു വ്യ​ത്യ​സ്ഥ​മാ​കു​ന്ന​ത് തി​രി​ച്ച​റി​യാ​നാ​ണ് യ​ന്ത്രം സ്ഥാ​പി​ക്കു​ന്ന​ത്. സ​മീ​പ​ത്തെ എ​യ​ർ റൂ​ട്ടു​ക​ളി​ലു​ള​ള വി​മാ​ന​ങ്ങ​ളു​ടെ പ​രി​ധി​യും ഇ​തു​മൂ​ലം കൃ​ത്യ​മാ​യി അ​ള​ന്നെ​ടു​ക്കാ​നാ​കും. വി​മാ​ന​ത്താ​വ​ള​ത്തി​ലെ റ​ണ്‍​വേ​ക്ക് സ​മീ​പ​ത്താ​യാ​ണ് ഇ​തു സ്ഥാ​പി​ക്കു​ക.​ നി​ല​വി​ലു​ള​ള​ത് എ​യ​ർ​ട്രാ​ഫി​ക് ക​ണ്‍​ട്രോ​ളി​നോ​ടു ചേ​ർ​ന്നാ​ണ്. 12 വ​ർ​ഷ​ത്തെ കാ​ല​പ്പ​ഴ​ക്ക​വും ഇ​തി​നു​ണ്ട്. ആ​റു മാ​സം കൊ​ണ്ടു​ത​ന്നെ യ​ന്ത്രം പ്ര​വ​ർ​ത്തി​പ്പി​ക്കാ​നാ​ണ് എ​യ​ർ​പോ​ർ​ട്ട് അ​ഥോ​റി​റ്റി​യു​ടെ തീ​രു​മാ​നം. ഡി​എം​ഇ(​ഡി​സ്റ്റ​ൻ​സ് മെ​ഷ​റി എ​ക്യൂ​പ്പ്മെ​ന്‍റ്) എ​ന്ന യ​ന്ത്ര​ത്തി​ന്‍റെ സ​ഹാ​യ​ത്തോ​ടെ​യാ​ണ് വി​മാ​നം എ​ത്ര ദൂ​ര​യാ​ണെ​ന്ന് നി​ശ്ച​യി​ക്കു​ന്ന​ത്. നാ​വി​ഗേ​ഷ​ൻ ന​വീ​ക​ര​ണ​ത്തി​നാ​യി പു​തി​യ ഡോ​പ്ല​ർ വി​ഒ​ആ​റി​ന്‍റെ ഉ​പ​ക​ര​ണ​ങ്ങ​ളാ​ണ് വി​മാ​ന​ത്താ​വ​ള​ത്തി​ലെത്തിച്ച ഉ​പ​ക​ര​ണ​ങ്ങ​ൾ സി​എ​ൻ​എ​സ് മേ​ധാ​വി മു​നീ​ർ മാ​ട​ന്പാ​ട്ട്, ഡെ​പ്യൂ​ട്ടി ജ​ന​റ​ൽ മാ​നേ​ജ​ർ ഹ​രി​ദാ​സ്,അ​സി​സ്റ്റ​ന്‍റ് ജ​ന​റ​ൽ മാ​നേ​ജ​ർ ഹൈ​ദ്രു എ​ന്നി​വ​രു​ടെ നേ​തൃ​ത്വ​ത്തി​ൽ പ​രി​ശോ​ധി​ച്ചു