വെള്ളപ്പൊക്കം: തിരുവമ്പാടി കെ.എസ്.ആർ.ടി.സി ഡിപ്പോയും സമീപ പ്രദേശങ്ങളും മന്ത്രി എ.കെ ശശീന്ദ്രൻ സന്ദർശിച്ചു

തിരുവമ്പാടി കെ.എസ്.ആർ.ടി.സി ഡിപ്പോ ഗതാഗത മന്ത്രി എ.കെ ശശീന്ദ്രൻ സന്ദർശനം നടത്തുന്നു.

കോഴിക്കോട്: രണ്ടുതവണ വെ​ള്ള​പ്പൊ​ക്ക​ത്തി​ൽ മുങ്ങി​യ കെ​എ​സ്ആ​ർ​ടി​സി തി​രു​വ​മ്പാ​ടി ഡിപ്പോയുടെ ഗാരേ​ജി​ലും സമീപ പ്രദേശങ്ങളിലും ഗതാ​ഗ​ത മ​ന്ത്രി എ.​കെ. ശശീ​ന്ദ്ര​ൻ സ​ന്ദ​ർ​ശ​നം ന​ട​ത്തി. ദു​രി​ത​മ​നു​ഭ​വി​ക്കു​ന്ന ജീവനക്കാരോ​ട് സ്ഥ​ല​സൗ​ക​ര്യ​ങ്ങ​ളെക്കു​റി​ച്ചും ഡിപ്പോയു​ടെ നി​ർ​മാ​ണ​ത്തെ​ക്കു​റി​ച്ചും ചോ​ദി​ച്ച​റി​ഞ്ഞു.

തി​രു​വ​മ്പാ​ടി ക​റ്റ്യാ​ട് ഭാ​ഗ​ത്ത് കെ​എ​സ്ആ​ർ​ടി​സി ഡിപ്പോ​ക്കാ​യി 1.75 ഏ​ക്ക​ർ സ്ഥ​ലം വാ​ങ്ങി​യി​ട്ട് ഏ​ഴ് വ​ർ​ഷം പി​ന്നി​ട്ടു. ഗാ​രേ​ജി​ന്‍റെ  നി​ർ​മ്മാ​ണ​ത്തി​ന് മൂ​ന്ന് കോ​ടി രൂ​പ ജോ​ർ​ജ് എം. ​തോ​മ​സ്  എം​എ​ൽ​എ പ്രാ​ദേ​ശി​ക വി​ക​സ ഫ​ണ്ടി​ൽ നി​ന്ന് അ​നു​വ​ദി​ച്ചി​ട്ടു​മു​ണ്ട്. എ​ന്നി​ട്ടും പ്ര​വൃത്തി തു​ട​ങ്ങാ​നാ​വ​ശ്യ​മാ​യ ഒ​രു നീ​ക്ക​വും ന​ട​ക്കു​ന്നി​ല്ല.  സ്വ​കാ​ര്യ വ്യ​ക്തി​യു​ടെ സ്ഥ​ല​ത്തെ താത്കാലിക ഗാ​രേ​ജ് വെ​ള്ള​ത്തി​ൽ മു​ങ്ങി​യതോടെ ബ​സ് സ​ർ​വീസ് മു​ട​ങ്ങു​ന്ന സാ​ഹ​ച​ര്യ​വുമുണ്ടായി. എം​എ​ൽ​എ ജോ​ർ​ജ് എം ​തോ​മ​സ്, പ​ഞ്ചാ​യ​ത്ത് പ്ര​സി​ഡ​ന്‍റ്  പി.​ടി. അ​ഗ​സ​ത്യ​ൻ ജി​ല്ലാ പ​ഞ്ചാ​യ​ത്ത് സ്റ്റാ​ന്‍റിം​ഗ് ക​മ്മി​റ്റി ചെ​യ​ർ​മാ​ൻ മു​ക്കം മു​ഹ​മ്മ​ത്, ഗ്രാ​മ പ​ഞ്ചാ​യ​ത്തം​ഗ​ങ്ങ​ൾ  കെ​എ​സ്ആ​ർ​ടി​സി ദ്യോ​ഗ​സ്ഥ​രാ​യ ഷാ​ജു ലോ​റ​ൻ​സ്, നി​ഷി​ൽ, തി​രു​വ​മ്പാ​ടി ഐ.​സി. സ​ത്യ​ൻ ,ജ​ലീ​ൽ തൊ​ഴി​ലാ​ളി പ്ര​തി​നി​ധി​ക​ൾ തു​ട​ങ്ങി​യ​വ​ർ ഉ​ണ്ടാ​യി​രു​ന്നു. ഈ ​മാ​സം ത​ന്നെ പു​തി​യ ഡി​പ്പോ​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​മെ​ന്ന്  എം​എ​ൽ​എ തൊ​ഴി​ലാ​ളി​ക​ൾ​ക്ക് ഉ​റ​പ്പ് ന​ൽ​കി.

ഉരുൾപൊട്ടലിനെത്തുടർന്നുണ്ടായ വെള്ളപ്പൊക്കത്തിൽ  നാ​ശ​ന​ഷ്ടം സം​ഭ​വി​ച്ച കാരശേരി പ​ഞ്ചാ​യത്തിലെ  വി​വി​ധ ഭാ​ഗ​ങ്ങ​ൾ,  മുക്കം ന​ഗ​ര​സ​ഭ​യി​ലെ തോ​ട്ട​ത്തി​ൻ ക​ട​വ് എന്നിവിടങ്ങ​ൾ    മ​ന്ത്രി എ.​കെ. ശ​ശീ​ന്ദ്ര​ൻ സന്ദർശി​ച്ചു. ദു​ര​ന്ത​മേ​ഖ​ല​യി​ൽ മു​തി​ർ​ന്ന ഉദ്യോഗസ്ഥർ നേ​രി​ട്ട് എ​ത്തി  നാ​ശ​ന​ഷ്ട​ങ്ങ​ൾ  കണക്കാ​ക്കു​ക​യാ​ണെന്ന് മ​ന്ത്രി പ​റ​ഞ്ഞു.  നാളെ നടക്കുന്ന മ​ന്ത്രി​സ​ഭാ യോ​ഗം സ്ഥിതിഗതികൾ  വിലയിരുത്തും. ഇ​രു​വ​​ഞ്ഞി​പ്പു​ഴ​യു​ടെ തീ​രം ഇ​ടി​ഞ്ഞ്  അ​പ​ക​ട​ഭീ​ഷ​ണി​യി​ൽ ആ​യ ന​ടു​വി​ലേ​ട​ത്ത്  അബ്ബാസി​ന്‍റെ വീ​ടും മ​ന്ത്രി സ​ന്ദ​ർ​ശി​ച്ചു. ജോ​ർ​ജ് എം. ​തോമസ് എംഎൽഎ, ജി​ല്ലാ പ​ഞ്ചാ​യ​ത്ത് സ്റ്റാ​ൻ​ഡിംഗ് കമ്മി​റ്റി ചെ​യ​ർ​മാ​ൻ  മു​ക്കം മു​ഹ​മ്മ​ദ്, കാ​ര​ശേ​രി ഗ്രാമ​പ​ഞ്ചാ​യ​ത്ത് സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ  അബ്ദു​ള്ള കു​മാ​ര​ന​ല്ലൂ​ർ തു​ട​ങ്ങി​യ​വ​ർ മ​ന്ത്രി​ക്കൊ​പ്പം ഉ​ണ്ടാ​യി​രു​ന്നു.