തുഷാരഗിരിയിൽ മൂന്നാം വെള്ളച്ചാട്ടം വരെ പോകാൻ അനുമതി



കോഴിക്കോട്:തുഷാരഗിരി  ഇക്കോ ടൂറിസ്റ്റ് മേഖലയിൽ വനത്തിനുള്ളിലെ മൂന്നാം വെള്ളച്ചാട്ടം വരെ പോകാൻ ഇന്നു മുതൽ അനുമതി നൽകുമെന്ന് തുഷാരഗിരി വനസംരക്ഷണ സമിതി സെക്രട്ടറി ബിഎഫ്ഒ കെ.അഷറഫ് അറിയിച്ചു. കർശന സുരക്ഷ ചട്ടങ്ങൾ പാലിക്കണം. രാവിലെ 8.30 മുതൽ 5 വരെയാണ് പ്രവേശനം. മലവെള്ളപ്പാച്ചിലും ഉരുൾപൊട്ടലും ഉണ്ടായ ശേഷം ഒന്നാം വെള്ളച്ചാട്ടമായ ഈരാറ്റുമുക്ക് വരെയാണ് സഞ്ചാരികൾക്ക് പ്രവേശനം അനുവദിച്ചിരുന്നത്. ഇന്നു മുതൽ മഴവിൽച്ചാട്ടം, തുമ്പിതുള്ളും പാറ വെള്ളച്ചാട്ടങ്ങളും കാണാം.


Post a Comment

0 Comments