ഓപ്പറേഷൻ കനോലി കനാൽ: ക​നാ​ലി​ന് ഭീഷണിയായ മ​ര​ങ്ങ​ള്‍ ഫയര്‍ഫോ​ഴ്‌​സ് മുറിച്ചുമാറ്റി

കോ​ഴി​ക്കോ​ട്: ക​നോ​ലി ക​നാ​ൽ ശു​ചീ​ക​ര​ണ​വു​മാ​യി ബ​ന്ധ​പ്പെ​ട്ട് ക​നാ​ലി​ന് സ​മീ​പ​ത്തെ മ​ര​ങ്ങ​ള്‍ മു​റി​ച്ചു​മാറ്റി​ത്തു​ട​ങ്ങി. കോ​ര്‍​പ​റേ​ഷ​നും ജി​ല്ലാ ഭ​ര​ണ​കൂടവും വേ​ങ്ങേ​രി നി​റ​വി​ന്‍റെ സ​ഹ​ക​ര​ണ​ത്തോ​ടെ ന​ട​ത്തു​ന്ന 'ഓ​പ്പ​റേ​ഷ​ന്‍ ക​നോ​ലി ക​നാ​ല്‍ ' ശു​ചീ​ക​ര​ണ​യ​ജ്ഞ​ത്തോ​ട​നു​ബ​ന്ധി​ച്ചാ​ണ് ക​നാ​ലി​ലേ​ക്ക് ചാ​ഞ്ഞ​മ​ര​ങ്ങ​ള്‍ മു​റി​ച്ചു​മാ​റ്റി​യ​ത്.

മ​ര​ങ്ങ​ളു​ടെ ശി​ഖ​ര​ങ്ങ​ള്‍ കനാലിലേക്ക് പൊട്ടി വീഴുന്ന രീ​തി​യി​ലാ​യി​രു​ന്നു. ഇ​ത് ക​നാ​ല്‍ വി​ക​സ​ന​ത്തി​ന് ത​ട​സ​മാ​കു​ന്ന​ത് ക​ണ​ക്കി​ലെ​ടു​ത്താണ് മേ​യ​ര്‍ തോട്ടത്തില്‍ ര​വീ​ന്ദ്ര​ന്‍റെ നി​ര്‍​ദേ​ശാ​നു​സ​ര​ണം  ബീ​ച്ചി​ല്‍  നിന്നും ഫ​യ​ര്‍ യൂ​ണി​റ്റെ​ത്തി മ​ര​ത്തി​ന്‍റെ ചി​ല്ല​ക​ളും മ​റ്റും മു​റി​ച്ചു​മാ​റ്റി​യ​ത്. കൊ​മ്പു​ക​ൾ പൊ​ട്ടി​വീ​ണും ഇ​ല​ക​ള്‍​പൊ​ഴി​ഞ്ഞും ക​നോ​ലി ക​നാ​ലും പരിസ​ര​വും ചീഞ്ഞുനാ​റി​യി​രു​ന്നു. ശു​ചീ​ക​ര​ണം പൂര്‍ത്തി​യാ​വു​ന്ന​തോ​ടെ ക​നാ​ലി​ന്‍റെ പ്ര​താ​പം വീണ്ടെടു​ക്കാ​നാ​വു​മെ​ന്നാ​ണ് അധി​കൃ​ത​രു​ടെ  പ്രതീക്ഷ. ക​നാ​ലി​ല്‍ അ​ടി​ഞ്ഞു കൂ​ടു​ന്ന മാ​ലി​ന്യം നീക്കി ഒ​ഴു​ക്ക് നേ​രെ​യാ​ക്കു​ന്ന പ്രവൃത്തികളാ​ണ് ഇപ്പോ​ള്‍ ന​ട​ന്നു​കൊ​ണ്ടി​രി​ക്കു​ന്ന​ത്.