നഗരത്തിൽ വാഹനപകടങ്ങളിൽ നേരിയ കുറവ്

കോ​ഴി​ക്കോ​ട്: ന​ഗ​ര​ത്തി​ൽ വാ​ഹ​നാ​പ​ക​ട​ങ്ങ​ളും അപക​ട മ​ര​ണ​വും കു​റ​യു​ന്ന​താ​യി റി​പ്പോ​ർ​ട്ട്. ഈ ​വർ​ഷം  ഒ​ക്റ്റോ​ബ​ർ 31 വ​രെ​യു​ള്ള ക​ണ​ക്കാ​ണി​ത്.2017ൽ 1,467 ​വാ​ഹ​നാ​പ​ക​ട​ങ്ങ​ളു​ണ്ടാ​യ നഗരത്തിൽ ഈ ​വ​ർ​ഷം ഒ​ക്റ്റോ​ബ​ർ 31 വ​രെ 1,157 അ​പ​ക​ട​ങ്ങ​ൾ മാ​ത്ര​മാ​ണ് റി​പ്പോ​ർ​ട്ട് ചെയ്യപ്പെട്ട​ത്. ക​ഴി​ഞ്ഞ വ​ർ​ഷം 184 മ​ര​ണ​ങ്ങ​ൾ നഗരത്തിലെ വാ​ഹ​നാ​പ​ക​ട​ങ്ങ​ൾ മൂ​ല​മു​ണ്ടാ​യ​പ്പോ​ൾ ക​ഴി​ഞ്ഞ​മാ​സം വ​രെ 130 പേ​രാ​ണ് വാ​ഹ​നാ​പ​ക​ടം മൂ​ലം മ​രി​ച്ച​ത്.  ഏ​റ്റ​വും കൂ​ടു​ത​ൽ പേ​ർ മ​രി​ച്ച​ത്  കാ​ല​വ​ർ​ഷ​ക്കാ​ല​മാ​യ ജൂ​ണി​ലാ​ണ്- 20 പേ​ർ. ഏ​റ്റ​വും കു​റ​വ് മ​ര​ണ​നി​ര​ക്ക് സെ​പ്റ്റം​ബ​റി​ലാ​ണ് - 6 പേ​ർ. 854 പേ​ർ​ക്ക് ഗു​രു​ത​ര പ​രു​ക്കും 402 പേ​ർ​ക്ക് നിസാര പ​രു​ക്കു​മാ​ണ് രേ​ഖ​പ്പെ​ടു​ത്ത​പ്പെ​ട്ട​ത്. ഡിവൈഡ​ർ ത​ട്ടി അ​ഞ്ചു അ​പ​ക​ട​ളു​ണ്ടാ​യി; ര​ണ്ടു പേ​ർ മ​രി​ച്ചു.

കോ​ഴി​ക്കോ​ട് സി​റ്റി ട്രാ​ഫി​ക് പൊ​ലീ​സ് സ്കൂ​ളു​ക​ളും കോ​ളെ​ജു​ക​ളും കേ​ന്ദ്രീ​ക​രി​ച്ച് ബോ​ധ​വ​ത്‌​ക​ര​ണ ക്ലാ​സു​ക​ൾ ന​ട​ത്തു​ന്നു​ണ്ട്. സ്കൂ​ളു​ക​ളി​ൽ ട്രാ​ഫി​ക് ക്ല​ബ്ബു​ക​ൾ​ക്ക് രൂ​പം കൊ​ടു​ക്കു​ന്നു​ണ്ട്.മ​ദ‍്യ​പി​ച്ച് വാ​ഹ​ന​മോ​ടി​ക്കു​ന്ന​തി​നും ഹെ​ൽ​മ​റ്റ് ധ​രി​ക്കാ​തെ വാ​ഹ​ന​മോ​ടി​ക്കു​ന്ന​തി​നും പി​ടി​ച്ച് ക​ഴി​ഞ്ഞാ​ൽ ബോ​ധ​വ​ത്‌​ക​ര​ണ ക്ലാ​സു​ക​ൾ കൊ​ടു​ക്കു​ന്നു​ണ്ട്. അ​പ​ക​ട​ത്തി​ന്‍റെ തോ​ത​നു​സ​രി​ച്ച് ക്ലാ​സി​ന്‍റെ ദൈ​ർ​ഘ്യം കൂ​ടും.  ഒ​രാ​ഴ്ച​യി​ല​ധി​കം നീ​ളു​ന്ന ട്രാ​ഫി​ക് ബോ​ധ​വ​ത്ക​ര​ണ ക്ലാ​സി​ൽ പ​ങ്കെ​ടു​ക്കേ​ണ്ടി വ​രും. പി​ഴ​വി​ന്‍റെ വ്യാ​പ്തി​ക്ക​നു​സ​രി​ച്ചാ​യി​രി​ക്കും പ​രി​ശീ​ല​ന കാ​ല​യ​ള​വ് തീ​രു​മാ​നി​ക്കു​ക. കോ​ഴി​ക്കോ​ട് ട്രാ​ഫി​ക് പൊ​ലീ​സ് സ്റ്റേ​ഷ​നി​ലും മോ​ട്ടോ​ർ വാ​ഹ​ന​വ​കു​പ്പ് തെ​ര​ഞ്ഞെ​ടു​ത്ത കേ​ന്ദ്ര​ങ്ങ​ളി​ലും ക്ലാ​സ് ന​ൽ​കും. പ​ങ്കെ​ടു​ക്കാ​തെ വീ​ട്ടി​ലി​രി​ക്കാ​മെ​ന്ന് ക​രു​തി​യാ​ൽ ലൈ​സ​ൻ​സ് റ​ദ്ദാ​ക്കു​ന്ന​തു​ൾ​പ്പെ​ടെ​യു​ള്ള അ​റി​യി​പ്പു​ക​ൾ വീ​ട്ടി​ലെ​ത്തും.പൊ​ലീ​സി​ന് സ​ഹാ​യ​വു​മാ​യി സ്റ്റു​ഡ​ന്‍റ് പൊ​ലീ​സ് കാ​ഡ​റ്റു​ക​ളും ബോ​ധ​വ​ൽ​ക്ക​ര​ണ​ത്തി​ൽ പ​ങ്കെ​ടു​ക്കു​ന്നു​ണ്ട്.

ക്യാമറകൾ പ്രവർത്തനരഹിതം

സി​സി​ടി​വി ക‍്യാ​മ​റ​ക​ൾ ന​ഗ​ര​ത്തി​ന്‍റെ പ​ല ഭാ​ഗ​ങ്ങ​ളി​ലാ​യി സ​ജ്ജീ​ക​രി​ച്ചി​ട്ടു​ണ്ടെ​ങ്കി​ലും പ​ല​തും പ്ര​വ​ർ​ത്തി​ക്കു​ന്നി​ല്ല.ആ​കെ 76 ക‍്യാ​മ​റ​ക​ളാ​ണ് ന​ഗ​ര​ത്തി​ന്‍റെ പ​ല ഭാ​ഗ​ങ്ങ​ളി​ലാ​യി വാ​ഹ​ന ഗ​താ​ഗ​തം നി​രീ​ക്ഷി​ക്കാ​ൻ സ​ജ്ജീ​ക​രി​ച്ചി​ട്ടു​ള്ള​ത്. അ​തി​ൽ 36 എ​ണ്ണ​മാ​ണ് പ്ര​വ​ർ​ത്ത​ന​ര​ഹി​ത​മാ​യി​ട്ടു​ള്ള​ത്.ഡി​വൈ​ഡ​ർ ത​ട്ടി ര​ണ്ടു മ​ര​ണം ഉ​ണ്ടാ​യി​ട്ടു​ണ്ട്. അ​ഞ്ച് അ​പ​ക​ട​ങ്ങ​ളും.

പെ​റ്റി​ക്കേ​സു​കളു​ടെ എണ്ണത്തിലും കുറവ് 

കോ​ഴി​ക്കോ​ട് ന​ഗ​ര​ത്തി​ൽ ട്രാ​ഫി​ക് പെറ്റിക്കേസുകളുടെ എ​ണ്ണ​ത്തി​ലും ഗ​ണ‍്യ​മാ​യ കു​റ​വു വ​ന്നി​ട്ടു​ണ്ട്. മൊ​ബൈ​ൽ ഫോ​ൺ ഉ​പ​യോ​ഗി​ച്ച് വാ​ഹ​ന​മോ​ടി​ച്ച​തി​ന് ക​ഴി​ഞ്ഞ വ​ർ​ഷം 239 കേ​സു​ക​ൾ രജിസ്റ്റ​ർ ചെ​യ്ത​പ്പോ​ൾ ഈ ​വ​ർ​ഷം ഒ​ക്റ്റോ​ബ​ർ 31 വ​രെ 182 കേ​സു​ക​ൾ ആ​ണ് ര​ജി​സ്റ്റ​ർ ചെയ്തിട്ടുള്ളത്.

അ​ശ്ര​ദ്ധ​മാ​യി വാ​ഹ​ന​മോ​ടി​ച്ച​തി​ന് ക​ഴി​ഞ്ഞ വ​ർ​ഷം 4997 കേ​സു​ക​ൾ ര​ജി​സ്റ്റ​ർ ചെ​യ്ത​പ്പോ​ൾ ഈ ​വ​ർ​ഷം 2567 കേ​സു​ക​ളാ​ണ് റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ള്ള​ത്. അ​മി​ത വേ​ഗ​ത​യ്ക്ക് ഇ​ത്ത​വ​ണ 9442 കേസുകൾ മാ​ത്ര​മാ​ണ് റി​പ്പോ​ർ​ട്ട് ചെ​യ്തി​ട്ടു​ള്ള​ത്. എ​ന്നാ​ൽ കഴി​ഞ്ഞ വ​ർ​ഷം 20660 കേ​സു​ക​ളാ​ണ് റി​പ്പോ​ർ​ട്ട് ചെയ്ത​ത്. ഏ​താ​ണ്ട് പ​കു​തി​യാ​യി ആ​ണ് ഈ ​നിരക്ക് കു​റ​ഞ്ഞ​ത്. എ​ന്നാ​ൽ ഹെ​ൽ​മ​റ്റ് ധ​രി​ക്കാ​ത്ത​തി​ന് ഈ ​ഒ​ക്റ്റോ​ബ​ർ 31 വ​രെ 12258 കേ​സു​ക​ൾ റിപ്പോർ​ട്ട് ചെ​യ്തി​ട്ടു​ണ്ട്.  ഇ​ത് ക​ഴി​ഞ്ഞ വ​ർ​ഷ​ത്തേ​ക്കാ​ൾ കൂ​ടു​ത​ലാ​ണ്. ക​ഴി​ഞ്ഞ വ​ർ​ഷം 11008 കേ​സു​ക​ളാ​ണ് ഇ​ത്ത​ര​ത്തി​ൽ റി​പ്പോ​ർ​ട്ട് ചെ​യ്ത​ത്. സം​ഗ​തി​ക​ൾ ഇ​ങ്ങ​നെ​യെ​ല്ലാ​മാ​ണെ​ങ്കി​ലും ന​ഗ​ര​ത്തി​ൽ വാ​ഹ​ന​പ്പെ​രു​പ്പം ഗ​ണ‍്യ​മാ​യി കു​തി​ച്ചു​യ​രു​ന്നു​ണ്ട്. അ​തി​ന​നു​സ​രി​ച്ചു​ള്ള റോ​ഡ്-​ഗ​താ​ഗ​ത സം​വി​ധാ​ന​ങ്ങ​ളു​ടെ വി​ക​സ​ന​ത്തി​ൽ അ​പ​ര‍്യാ​പ്ത​ത​യു​മു​ണ്ട്.