കരിപ്പൂർ: കോഴിക്കോട്​ വിമാനത്താവളത്തിലെ ചരക്കുനീക്കത്തിൽ ഇരട്ടിയിലധികം വർധന. നടപ്പുസാമ്പത്തിക വർഷത്തിലെ ആദ്യ മൂന്ന്​ മാസത്തിലെ ചരക്കുനീക്കത്തിലാണ്​ വൻ പുരോഗതി വന്നിരിക്കുന്നത്. ഏപ്രിൽ മുതൽ ജൂൺ വരെയുള്ള കാലയളവിൽ അന്താരാഷ്​​ട്ര, ആഭ്യന്തര കാർഗോയിൽ 107.1 ശതമാനം വർധനവാണുള്ളത്​.

നിശ്ചി​ത കാലയളവിൽ 7291 ടൺ ചരക്കുനീക്കമാണ്​ കരിപ്പൂരിൽ നടന്നിരിക്കുന്നത്​. ഇതിന്​ മുമ്പ്​ 2012-13ലാണ്​ ഏപ്രിൽ മുതൽ ജൂൺ വരെയുള്ള കാലയളവിൽ ചരക്കുനീക്കം 7000 ടണ്ണിന്​ മുകളിലെത്തിയത്​. അന്ന്​ 7621 ടണ്ണാണ്​ ഉണ്ടായിരുന്നത്​. എയർ ഇന്ത്യ, എമിറേറ്റ്​സ്​, സൗദി എയർലൈൻസ്​ എന്നീ കമ്പനികളുടെയും വലിയ വിമാനങ്ങളുടെ നിരവധി സർവിസുകളുമുള്ള സമയത്തായിരുന്നു ഇത്രയും ഉയർന്ന വർധനവുണ്ടായിരുന്നത്​. അതേസമയം, നിലവിൽ സൗദിയയുടെ വലിയ വിമാനങ്ങൾ മാത്രമാണ്​ സർവിസ്​ നടത്തുന്നത്​.



ക​ഴിഞ്ഞ വർഷം ഇതേ കാലയളവിൽ കരിപ്പൂരിൽ 3521 ടൺ ചരക്കുകൾ മാത്രമാണ്​ കൈകാര്യം ചെയ്​തിരുന്നത്​. ഈ വർഷത്തേതിൽ 6970 ടൺ അന്താരാഷ്ട്രവും 321 ടൺ ആഭ്യന്തരവുമാണ്​. അന്താരാഷ്ട്ര കാർഗോയിൽ 106.1 ശതമാനവും ആഭ്യന്തരത്തിൽ 130.9 ശതമാനവുമാണ്​ വർധിച്ചിരിക്കുന്നത്​. കഴിഞ്ഞ വർഷം ഇത്​ യഥാക്രമം 3382 (30.8 ശതമാനം കുറവ്​), 139 (62.9 ശതമാനം കുറവ്​) ടണ്ണുമായിരുന്നു. നിപയെ തുടർന്ന്​ സൗദിയിലേക്ക്​ കയറ്റുമതിക്കുണ്ടായ നിയന്ത്രണം പിൻവലിച്ചതും കൂടുതൽ സർവിസുകൾ ആരംഭിച്ചതുമാണ്​ കയറ്റുമതി വർധിക്കാൻ സഹായകരമായത്​.



ഈ കാലയളവിൽ യാത്രക്കാരുടെ എണ്ണത്തിലും വർധന​ വന്നിട്ടുണ്ട്​. 15.3 ശതമാനമാണ്​ വർധന. തിരുവനന്തപുരത്ത്​ 14.9 ശതമാനം കുറവും കൊച്ചിയിൽ 1.2 ശതമാനം മാത്രം വർധനവുള്ളപ്പോഴാണ്​ കരിപ്പൂരിൽ 15.3 ശതമാനം കൂടിയിരിക്കുന്നത്​. 7,35,371 പേരാണ്​ ഏപ്രിൽ മുതൽ ജൂൺ വരെ കരിപ്പൂർ വഴി യാത്ര ചെയ്​തിരിക്കുന്നത്​. ഇതിൽ 8,76,711 അന്താരാഷ്​ട്ര യാത്രക്കാരും 1,41,340 പേർ ആഭ്യന്തര യാത്രക്കാരുമായിരുന്നു.

Post a Comment

Kozhikodedistrict.in

{picture#https://1.bp.blogspot.com/-dNCJCm6zia0/Xf8SBmS8TMI/AAAAAAAAHyw/0atIG371lK4XTTMKiNjI_IjJHkmch6m0gCLcBGAsYHQ/s320/kozhikode%2Bdistrict%2Blogo%2BSQ%2BFB.png} Kozhikode District is a district of Kerala state, on the southwest coast of India. The city of Kozhikode, also known as Calicut, is the district headquarters. The district is 38.25% urbanised. It has the district based news and public service website {facebook#https://facebook.com/thekozhikode} {twitter#https://twitter.com/thekozhikode} {instagram#https://www.instagram.com/the_kozhikode} {youtube#https://www.youtube.com/channel/UCqEy4PKEgKPBRFKXcfxq7xw} {telegram#https://t.me/the_kozhikode} {whatsapp#http://api.whatsapp.com/send?phone=916238621667}
Powered by Blogger.