കോഴിക്കോട്: ബേപ്പൂര് - ലക്ഷദ്വീപ് യാത്രാക്കപ്പലായ 'എം.വി. മിനിക്കോയ്'യുടെ ചുക്കാന് കേടായതിനെത്തുടര്ന്ന് അറ്റകുറ്റപ്പണിക്കായി കൊച്ചി കപ്പല്ശാല നിയോഗിച്ച നീന്തല് വിദഗ്ധര് ബേപ്പൂര് തുറമുഖത്തെത്തി. ലക്ഷദ്വീപുകളില് ഓഖി ചുഴലിക്കാറ്റ് വിശീയതിനാല് കഴിഞ്ഞദിവസം പുറപ്പെടേണ്ടിയിരുന്ന ഈ കപ്പലിന്റെ യാത്ര അധികൃതര് റദ്ദാക്കിയിരുന്നു. കപ്പല് സര്വീസ് നിലച്ചതിനാല് അതില് യാത്ര ചെയ്യേണ്ടിയിരുന്ന 102 പേര് ലക്ഷദ്വീപിലെത്താന് കഴിയാതെ കുടുങ്ങി. ഇനി കപ്പലിന്റെ ചുക്കാന് ശരിയായാല് തന്നെ കപ്പല് ലക്ഷദ്വീപിലേക്ക് തിരിക്കണമെങ്കില് ചുഴലിക്കാറ്റ് നിലയ്ക്കണം. അതോടൊപ്പം ലക്ഷദ്വീപ് ഭരണകൂടത്തിന്റെ യാത്രാനുമതിയും കപ്പലിന് ലഭിക്കണം.
