1 ലിറ്റർ കുപ്പിവെള്ളം 12 രൂപക്ക്: കമ്പനികളുടെ തീരുമാനം നടപ്പാക്കാതെ കച്ചവടക്കാർ

കോഴിക്കോട്: 12 രൂ​പ​യ്ക്ക് കു​പ്പി​വെ​ള്ളം വി​ല്‍​ക്ക​ണ​മെ​ന്ന് കമ്പനി ഉ​ട​മ​ക​ള്‍ നിർദേശം നൽകിയിട്ടും കു​റ​ഞ്ഞ​വി​ല​യ്ക്ക് വി​ല്‍​ക്കാ​ന്‍ ക​ച്ച​വ​ട​ക്കാ​ര്‍  ത​യാ​റാ​കു​ന്നി​ല്ലെ​ന്ന് ഉൽപാദ​ക​ര്‍. കു​പ്പി​വെ​ള്ള നി​ര്‍​മാ​ണ കമ്പനി​ക​ളു​ടെ സം​ഘ​ട​ന​യാ​യ കേ​ര​ള ബോ​ട്ടി​ല്‍​ഡ് വാ​ട്ട​ര്‍ മാ​ന്യു​ഫാ​ക്ചേ​ഴ്സ് അ​സോ​സി​യേ​ഷ​ന്‍ ആ​ണ് വ്യാ​പാ​രി​ക​ള്‍ കു​പ്പി​വെ​ള്ളം വി​ല​കു​റ​ച്ച്‌ വി​ല്‍​ക്കു​ന്ന കാ​ര്യ​ത്തി​ല്‍ കാ​ര്യ​മാ​യ പി​ന്‍​തു​ണ ന​ല്‍​കു​ന്നി​ല്ലെ​ന്ന് ആ​രോ​പി​ക്കു​ന്ന​ത്. ഈ അവസ്ഥക്ക് മാറ്റമുണ്ടാവണമെങ്കിൽ ജനങ്ങൾ പ്രതികരിക്കണം. നി​ല​വി​ല്‍ 240 ശ​ത​മാ​നം ലാ​ഭ​മാ​ണ് ചെ​റു​കി​ട ക​ച്ച​വ​ട​ക്കാ​ര്‍​ക്ക് കു​പ്പി​വെ​ള്ള വി​ല്‍​പ്പ​ന​യി​ലൂ​ടെ ല​ഭി​ക്കു​ന്ന​ത്.

കമ്പനി​ക​ള്‍ ഡി​സ്ട്രി​ബ്യൂ​ട്ട​ര്‍​മാ​ര്‍​ക്ക് കു​പ്പി​വെ​ള്ളം ന​ല്‍​കു​ന്ന വി​ല​യി​ലോ ഡി​സ്ട്രി​ബ്യൂ​ട്ട​ര്‍​മാ​ര്‍ ചെ​റു​കി​ട ക​ച്ച​വ​ട​ക്കാ​ര്‍​ക്ക് വെ​ള്ളം ന​ല്‍​കു​ന്ന വി​ല​യി​ലോ മാ​റ്റ​മു​ണ്ടാ​യി​ട്ടി​ല്ല. ചെ​റു​കി​ട ക​ച്ച​വ​ട​ക്കാ​രു​ടെ ലാ​ഭ​ത്തി​ല്‍ കു​റ​വു​ണ്ടാ​കു​ന്ന​ത് അം​ഗീ​ക​രി​ക്കാ​ന്‍ ത​യാ​റാ​യാ​ല്‍ 12 രൂ​പ​യ്ക്ക് ഒ​രു ലി​റ്റ​ര്‍ വെ​ള്ളം വി​ല്‍​പ്പ​ന ന​ട​ത്താ​ന്‍ ക​ഴി​യു​മെ​ന്ന് അ​സോ​സി​യേ​ഷ​ന്‍ സം​സ്ഥാ​ന ജ​ന​റ​ല്‍ സെ​ക്ര​ട്ട​റി എം.​വി. സോ​മ​ന്‍ പി​ള്ള പ​റ​ഞ്ഞു.അ​സോ​സി​യേ​ഷ​ന് കീ​ഴി​ലെ നൂ​റി​ല​ധി​കം അം​ഗ​ങ്ങ​ള്‍ 12 രൂ​പ നി​ര​ക്കി​ല്‍ കു​പ്പി​വെ​ള്ള വി​ല്‍​പ്പ​യ്ക്ക് വി​പ​ണി​യി​ലെ​ത്തി​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ച്ചി​ട്ടു​ണ്ട്.