ഭീഷണി ഒഴിയാതെ മേൽനടപ്പാലത്തിന്‍റെ അവശേഷിപ്പുകൾ

കോ​ഴി​ക്കോ​ട്: ഇ​ൻ​ഡോ​ർ സ്റ്റേ​ഡി​യ​ത്തി​ന് സ​മീ​പ​ത്തെ ബ​സ് സ്റ്റോ​പ്പിനു മുൻപിലെ ഗർത്തം കാ​ൽ​ന​ട​യാ​ത്ര​ക്കാ​ർ​ക്കും  ബസുക​ൾ​ക്കും ഇ​ത​ര വാഹനങ്ങൾക്കും ഭീ​ഷ​ണി​യാ​കു​ന്നു. മൂ​ന്നു വ​ർ​ഷം മുൻ​പു വ​രെ  രാ​ജാ​ജി റോ​ഡി​ന് കു​റു​കെ​യാ​യി ഇവിടെ നി​ല നി​ന്നി​രു​ന്ന മേ​ൽ ന​ട​പ്പാ​ലം പൊ​ളി​ച്ചു മാ​റ്റി​യ​തോ​ടെ​യാ​ണ്  കോ​ൺ​ക്രീ​റ്റ് അടിത്തറ ഇ​ള​ക്കി മാ​റ്റി​യി​ട​ത്ത് ചെ​റി​യ ഗ​ർ​ത്തം രൂപ​പ്പെ​ടു​ക​യും അതിൽ നി​ന്നു  ക​മ്പി​ക​ൾ ഉയരുകയു​മു​ണ്ടാ​യ​ത്.

സ്റ്റോ​പ്പി​ന് നേ​രേ മു​ന്നി​ൽ കു​ഴി​ക​ളു​ള​ള​തു കൊ​ണ്ട് സ്റ്റോ​പ്പി​ൽ ബ​സ് നി​ർ​ത്തു​മ്പോ​ൾ ശ്രദ്ധിച്ചില്ലെങ്കിൽ ടയ​ർ കു​ഴി​യി​ൽ ചാടുമെന്നുറപ്പ്. വെ​യ്റ്റി​ങ് ഷെ​ഡി​ൽ നി​ന്നു റോ​ഡി​ലേ​ക്ക് സാ​മാ​ന‍്യം വീ​തി​യി​ൽ  തന്നെയാണ് കു​ഴി​യു​ള്ള​ത്.  നിർത്തിയിട്ടിരിന്ന ബസി​നെ മ​റി​ക​ട​ന്ന് വശത്തേക്ക് നി​ർ​ത്താ​നും മ​റ്റു ബ​സു​ക​ൾ​ക്ക് ഇ​ത് ത​ട​സ​മാ​ണ്.  പു​തി​യ ബ​സ് സ്റ്റാൻ​ഡി​ന്‍റെ നേ​രെ എ​തി​ർ​വ​ശ​മാ​യ​തു കൊ​ണ്ടു തന്നെ ഏ​റെ ജ​ന​ത്തി​ര​ക്കു​ള്ള ന​ഗ​ര ഭാ​ഗ​മാ​ണി​ത്; പ്ര​ത‍്യേ​കി​ച്ച് രാ​വി​ലേ​യും വൈ​കി​ട്ടും. ബസുകളും ഓട്ടൊ​റി​ക്ഷ​ക​ളും മ​റ്റു വാഹനളും മാ​ത്ര​മ​ല്ല, സ്കൂൾ- കോ​ളെ​ജ് വിദ‍്യാ​ർ​ഥി​ക​ൾ, മ​റ്റു ജോ​ലി​ക്കാ​ർ തു​ട​ങ്ങി പലരും ക​ട​ന്നു പോ​കു​ന്ന വ​ഴി​യാ​ണി​ത്.  മഴക്കാലമാകുമ്പോൾ കു​ഴി​യി​ൽ വെ​ള്ളം നിറ​യു​ന്നതും കാ​ൽ​ന​ട​യാ​ത്ര​ക്കാ​ർ​ക്ക് ഏ​റെ ബു​ദ്ധി​മു​ട്ടു​ണ്ടാ​കും. ഇവി​ടെ പ​രി​ച​യ​മി​ല്ലാ​ത്ത ആ​ളു​ക​ളാ​ണെ​ങ്കി​ൽ കുഴിയിൽ വീ​ണു പോകാ​നും സാ​ധ‍്യ​ത​യു​ണ്ട്.  ഒ​രു സ്വ​കാ​ര‍്യ സ്ഥാ​പ​നം സ്പോ​ൺ​സ​ർ ചെ​യ്തി​രു​ന്ന മേൽ​ ന​ട​പ്പാ​ലം യാ​ത്ര​ക്കാ​ർ അ​ധി​കം ഉപയോഗിക്കാതി​രു​ന്ന​തും രാ​ത്രി ചി​ല​യാ​ളു​ക​ൾ വ‍്യാപക​മാ​യി സാ​മൂ​ഹ‍്യ​ വി​രു​ദ്ധ​പ്രവർത്ത​ന​ങ്ങ​ളി​ൽ ഏർപ്പെ​ടു​ന്ന​തും മേ​ൽ​നട​പ്പാ​ലം പൊ​ളി​ച്ചു ക​ള​യാ​ൻ കാ​ര​ണ​മാ​യി. എ​ന്നാ​ൽ അ​ധി​കൃ​ത​ർ അ​തു കൊണ്ടുണ്ടാ​യ കു​ഴി അ​ട​പ്പി​ക്കാ​നു​ള്ള ശു​ഷ്കാ​ന്തി കാണിച്ചിട്ടി​ല്ല.
     
അ​തേ​സ​മ​യം,  പു​തി​യ ബ​സ് സ്റ്റാ​ൻ​ഡ് പ​രി​സ​ര​ത്തെ ഗ​താ​ഗ​ത​കു​രു​ക്ക് കു​റ​യ്ക്കാ​നും തി​ര​ക്കു നി​യ​ന്ത്രി​ക്കാ​നും ല​ക്ഷ്യ​മി​ട്ട് പ്ര​ഖ്യാ​പി​ച്ച  യ​ന്ത്ര​ന​ട​പ്പാ​ത​യു​ടെ നി​ർ​മാ​ണം ഇ​നി​യും ആ​രം​ഭി​ച്ചി​ട്ടി​ല്ല. പ​ഴ​യ ന​ട​പ്പാ​ലം നി​ന്നി​രു​ന്ന സ്ഥ​ല​ത്തു ത​ന്നെ​യാ​കും ഇ​തും വ​രു​ന്ന​ത്.  കേ​ന്ദ്ര​സ​ര്‍ക്കാ​രി​ന്‍റെ അ​മൃ​ത് പ​ദ്ധ​തി​യി​ല്‍ ഉള്‍പ്പെടുത്തിയാണ് ഈ ​നി​ർ​മ്മി​തി വ​രു​ന്ന​ത്. കൊ​ച്ചി മെ​ട്രോ റെ​യി​ൽ ലി​മി​റ്റ​ഡ് മേ​ൽ​നോ​ട്ട​ത്തി​ൽ ഊരാളുങ്ക​ൽ ലേ​ബ​ർ കോ​ൺ​ട്രാ​ക്ട് കോ ​ഓ​പ്പ​റേ​റ്റീ​വ് സൊ​സൈ​റ്റി​യാ​ണ് നി​ർ​മാ​ണം ന​ട​ത്തു​ക. രാ​ജാ​ജി റോ​ഡി​ന് മു​ക​ളി​ലൂ​ടെ പു​തി​യ ബ​സ് സ്റ്റാ​ൻ​ഡി​ലേ​ക്കും തി​രി​ച്ചും ഇ​റ​ങ്ങാ​ൻ പാ​ക​ത്തി​ലാ​ണ് എസ്കലേറ്റർ കം ഫുട്ട് ഓ​വ​ർ​ബ്രി​ഡ്ജ് പ​ണി​യു​ന്ന​ത്.